圓圓出嫁了~~~

唔知點解blog upload 唔到相, 攪到暫時記錄唔到521 各新娘子婚禮大全,

不過呢篇 521後感我一定要寫先, 因為我要記下自己既感受!

「521呢日我過得好特別, 見住共同籌備婚禮一年既圓圓結婚,

心情好百感交集, 首先係覺得時間過得好快, 由初初大家一齊期待,到現在佢真係出嫁啦, 見證住一切一切! 跟住, 係好登佢開心呀, 終於黎到呢一步!!!

喺夜宴, 圓圓講好多謝籌備婚禮識到我地呢班好朋友, 攪到我喊到死去活來, 我諗身邊既人一定唔明我地攪咩係咁喊, 可能嚇怕佢地haha….因為只有共同努力過、共同支持過同付出過既buddy先會體會得到。雖然妳籌備得好辛苦, 期間又遇到好多不幸事, 但就係呢一種艱辛, 先令婚禮來得真貴, 從你同Mr. Ho 既身體語言係可以感受到「好不容易走到這裡」既感覺! 其實我都好想同你講句多謝 , 多謝妳喺婚禮咁重視我地呀! 我係感受到架!!

最後, 都恭喜其他521 靚太們! 有幸識到你地呀! 當日去咗好多個婚禮, 從未試過, 你地令我地感受到喜悅!!! 」