Honeymoon at Bath I

係時候要講下我既honeymoon 之旅，再停留喺大日子既野停滯不前就真係連仔都生埋都未講完！

我的honeymoon 第一站就係我既少女夢：Bath

點解講係少女夢同埋認識呢到呢？

都係因為少女時睇過一輯劇集，

講呀郭藹瑩本來係去 Bath 同佢老公honeymoon，但因為老公死咗冇去。

就係咁認識到原來英國有個咁靚咁幽靜既地方。

去完好友London屋企之後，佢地就車我去火車站坐３個鐘頭火車到 Bath

火車向住西面出發，行咗差唔多一個鐘後突然見到真實既Thomas 火車喺到行

真係超驚喜，因為呢到又唔係Thomasland, 何解會有幾架火車喺度行仲要識噴煙架呢?
成個Thomas & Friends既場景係晒到!!!!

終於到敕！！周圍既屋都好靚！

去到Bath check in 埋都成4點，趕住喺入黑前去「羅馬浴池」

去到呢到，隔離既Abbey Church 就喺到響起教堂鐘聲，

真係好有ｆｅｅｌ架！

要去呢到記得喺黃昏前去，因為咁樣你仲可以睇到佢既火炬燈，即係處身古代羅馬感覺!

夜晚，其實都只係５點幾！
周圍已經黑晒，條街冇乜人咁制，Ｄ店舖６點幾已經全部關門大吉，
都幾悶！

幸好臨近Ｘ’ｍａｓ　好多店舖都好靚，好有聖誕氣氛！

Vendor Review --- Molly Li 晚裝

呢篇 Vendor Review, 我都唔想出相敕!
事關我要寫佢既衰野!!!

婚前我對呢間shop 係好不滿既, 
join 呢間晚裝完全因為當時仲未好好揀好the one , 又見佢D 晚裝好似好fit 身所以就join 咗!!!
第一次join 佢係 1WG + 1EG  , 但因為我最後發現所揀既 婚紗實在太似一件白色既晚裝,
所以最後我都加咗錢改package 改為 3EG,

點知, 佢既EG 真係少到冇得好揀, 而每次我去試既時候, 係全部都要喺相簿睇,
因為店主已經幾串下,  佢都好似唔係好願意攞好多晚裝你睇咁,
試咗幾件已經唔想serive 你咁, 初時以為佢有咩咁神秘,
而且佢試衫既次數只得2次, 而第二次仲要係confirm .

喺冇咩選擇下揀咗D 自己都唔太鍾意既晚裝都算,
問題係由揀衫、試衫、book 時間都好似要受人氣咁
試過有次打去問佢野, 佢話依家唔喺公司要遲下覆我,
但一直都唔覆, 再問之下又係拖我唔覆 !!!!

我明白佢係designer 可能有藝術家脾氣,
但我都係客黎架, 我揀唔到衫都應該要盡量幫我,
而唔係喺到串自己既客囉!!!!!

(不過都係果句：因人而已, 唔係絶對呀!)

我的所有DIY佈置回顧

婚禮用咗好多時間同心思喺DIY 方面，
雖然用咗我好多時間，
但過程中非常enjoy...
亦因為堅持ＤＩＹ，
對婚禮之投入更有感受，
到最後連 mr chau 都參與埋一份架!!

講到最攞命既都莫過於整Menu Card同埋pom-poms，
因為meun card 係最多step，
而pom-poms大家都知用好耐時間去整，
年半既時間，一日用晒，
後悔因當晚太多野，冇keep 住一張menu card 留念，
只好睇相記住當時既痛苦。

NT Wedding 指示牌、photo props、talbe seat 都係由mr chau 負責設計架!

仲有 Natoni M&M's ，但Ｄ字好多都花晒，唔清楚！
勸大家唔好order !!!
 

回到未嫁時---上頭篇

出嫁前一日忙到死， 一早起身
先去攞小露寶for ceremony，
再去街市攞蝴蝶蘭（無錯街市都OK架, 快靚正)
之後就去Mode攞衫（呢到搞得耐呀，又要等位迫車，又唔記得帶支票搞到要按錢）
之後，去中環Molly li 攞晚裝
CWB Run for The Dream攞the one同
Miracle 攞花球球、花車（呢part又係搞咗好耐，因初初花球不太滿意）
搞掂完都已經入黑，即刻去返ＴＳＴ
去攞褂、再去Beaty Hera攞媽咪衫
真係忙死，返到屋企已差唔多10點!!


全家人食飯食得勁快然後就開工貼囍字貼、對聯等等

話咁快仲有半個鐘就到１２點
mr chau打俾我話上完頭訓，快我勁多
於是我嗱嗱琳去洗頭吹頭
上頭儀式開始
媽咪幫我一梳梳頭尾、二梳白髮齊眉、三梳兒孫滿地
果一刻感覺好感動，差Ｄ喊出黎一刻
阿媽竟然講四梳XXX......
仲要講到成十梳XXX.....
我就覺得好好笑....乜有咁多梳架咩???


食完湯圓，媽咪就叫我快快訓覺，
當時大約１點左右，但我諗我成２點先訓得著，
阿媽就執野執到好夜先訓
令我第二日喺註冊時多謝到自己喊！！

回到未嫁時---安床篇

結婚前兩日, 亦即我第一日放婚假!
一大早, 就帶住放假既興奮心情準備安木儀式!
請咗Mr Chau姨媽黎負責安床！

安床比我想像中間單，
我地仲一齊幫手換床單，
係咁易講咗幾句祝福說話就搞掂！

最好笑係，夜晚要訓廰，mr chau就要用camp既野黎打地舖，
小白就覺得好奇怪，所以係咁喺度行黎行去！
果晚的確訓唔著，緊張啊～～
反而婚前一晚訓得仲好過呢日呢！

Our Orchid Wedding

由於Nat 好鍾意蝴蝶蘭, 諗婚禮主題時, 一心諗住頭花、花球、襟花都要用佢,
咁啱theme colour 係紫紅色, 蝴蝶蘭又係紫紅色,
參考外國婚禮page, 原來都有幾多人用蘭花做主題架設

所以我來來回回去過筍崗買蝴蝶蘭絲花, 搵過好多間先搵到認為最似既,
因為有好多真係唔似囉!! 搵到Mr Chau 都驚咗以後唔想再上去

最後, 我用蝴蝶蘭整咗好多DIY
Welcome Board 、 屋企人襟花、table no. card、menu card
仲有之前一日買咗同埋Miracle 俾咗好多真既蝴蝶蘭我,
我就用黎佈置!
其實我仲買咗好多絲花架, 但唔知點解晚宴冇攞到出黎放reception !!!
又一迷團之一

 

421 的大發現 : 我真的繼片了~~~~

我回歸了~~~~
其實已經收到攝影師D相好耐, 但我其實亦都等咗好耐, 足足等咗4個月!!!

一直好想寫返婚禮既回憶, 但成個4月冇停過,
去完台灣返黎又繼續做功課, 返夜校,
當然仲有最大件事係我好友 Sam 大婚之日!!!

由於婚後未做過姊妹, sam 仲要喺我個註冊場地結婚, 所以令我係咁諗返自己結婚當日既野,
似乎......我既繼片程度越黎越嚴重 (因為我連帶新娘子媽媽入新娘房我都唔記得個新娘房喺邊呀!!!!! )
所以我真係要加把勁追blog !!!

421 呢日我同老公都係做姊妹....haha....當日我仲同老公都有回憶下1126,
尤其見住好有march out 一幕,
老公話好似我地呀!!!!
不過見住好友咁正既婚禮, 都後悔自己big day 當日有好多野冇做得更好,
因為忙、多人、冇時間,
我錯失咗好多想做既野, 想影既相, 想可以同人傾下計,
真係勸未結婚既, 如非必要, 真係唔好攪夜晚晚宴果場啊~~~