係時候要講下我既honeymoon 之旅，再停留喺大日子既野停滯不前就真係連仔都生埋都未講完！
我的honeymoon 第一站就係我既少女夢：Bath
點解講係少女夢同埋認識呢到呢？
都係因為少女時睇過一輯劇集，
講呀郭藹瑩本來係去 Bath 同佢老公honeymoon，但因為老公死咗冇去。
就係咁認識到原來英國有個咁靚咁幽靜既地方。
去完好友London屋企之後，佢地就車我去火車站坐３個鐘頭火車到 Bath
火車向住西面出發，行咗差唔多一個鐘後突然見到真實既Thomas 火車喺到行
真係超驚喜，因為呢到又唔係Thomasland, 何解會有幾架火車喺度行仲要識噴煙架呢?
成個Thomas & Friends既場景係晒到!!!!
終於到敕！！周圍既屋都好靚！
去到Bath check in 埋都成4點，趕住喺入黑前去「羅馬浴池」
去到呢到，隔離既Abbey Church 就喺到響起教堂鐘聲，
真係好有ｆｅｅｌ架！
要去呢到記得喺黃昏前去，因為咁樣你仲可以睇到佢既火炬燈，即係處身古代羅馬感覺!
夜晚，其實都只係５點幾！
周圍已經黑晒，條街冇乜人咁制，Ｄ店舖６點幾已經全部關門大吉，
都幾悶！
幸好臨近Ｘ’ｍａｓ 好多店舖都好靚，好有聖誕氣氛！
沒有留言:
張貼留言