過咗一個好倉猝既影女家過程後, 就拿拿琳同媽咪老豆哩埋喺房等佢地玩新郎!
我一路喺門後偷聽, 覺得好好笑!
雖然時間好緊逼, 好彩都玩得晒三個遊戲!
本身傾好既遊戲有:
1. Yoga 動作 ( 因為有材料, 懶得整, 所以都係玩呢D 啦)
2. 我的字典裡沒有放棄 ( 呢個我勁想玩佢, 因為我知佢覺得首歌好難頂)
3. 喜怒Sweet
樂 ( 全因當時興變身男女chok chok chok , 我就諗到呢個遊戲,
當然唔好要「苦」呢個字, 改sweet 啦)
喺門後聽到佢地話玩喜怒sweet樂先幾驚佢地唔玩「我的字典裡沒有放棄」呀! 好彩原來佢地想將好戲壓在後頭!
不過我聽在場人士講, 老公佢好自動波, 有好多野都冇叫佢做佢玩得好投入!
出黎前一刻攝影師要成班兄弟都要咁樣做, 攪到我勁唔好意思囉!
又唔知點解佢要跪喺度, 我心諗 :「好老土呀! 唔該你快D 起身啦」
又因男家習俗要敬埋俾過身既親人, 所以要敬埋俾爺爺, 嫲嫲一叫我爺爺飲茶, 我都想喊埋一份!
到最後敬埋俾家姐, 又係一個感動位,
雖然我同我家姐唔係話好好感情, 成日互串, 但我敬茶俾佢一刻佢同我講 :「唔好再刁蠻任性」
我就忍唔住喊出黎.......好在都最後......我抺得切眼淚.....唔係個妝就麻煩 !
沒有留言:
張貼留言