Vendor Review -- My the one White by Vera Wang

 

My the one White by Vera Wang  
係from Run For The Dream!
結婚前, 已視Vera Wang 既Ball Grown 為Dream The One !!!
我真係冇諗過自己真係可以著住'她'  , 雖然唔係我最pecfect 想要既 ( 因我想要既係有theme colour sash & 背脊長扣)
我已經好滿足, 覺得著住佢係一件幸福既事!!!! 婚前既我最期待唔係嫁俾佢, 係著住the one
我仲帶埋Vera Wang 既長頭紗, 靚頭紗睇個樣真係清晰D

 
呢件the one 我認為係white by 系列質地軟好既一件, 皆因大家都知white 條line 質地一般,
全因Run For The Dream 改衫師傅芳姐建議我去試, 佢好勁呀, 由size 10 改到size 2 !!!!
到夜晚我就加條閃閃sash ,滿足我要sash 心願,  自己覺得好襯呀!!!

到依家, 我都仍然好掛住我條the one , 呢條the one 我係第一手著, 全新架!!!
希望接住租呢條the one 既主人, 都同我一樣永遠幸福啊!!!!!

Vendor Review --- MUA Rainbow & my bigday 造型

懶到爆一個blog 寫兩件事, 事關太相近!
Rainbow 係我第二個試既MUA , 我一去到化已同佢一拍即合,
佢仲要同我住同一區架, 所以好多話題!
雖然佢係貴少少, 但我當時唔理架,
因為我知道同MUA 夾唔夾係好緊要, 夾唔夾唔單單係個妝, 而係個人,
因為big day 當日你對得最多係佢, 反而唔係你既姊妹、賓客、父母!!!

Rainbow 雖然真係好慢......但佢真係化得好好,好細心, 個妝好持久 even 我喊過都keep 倒!!!
當日我好多姊妹, 同埋我媽、家姐都激讚佢
事後亦有賓客話我知佢真係化得好好, set 頭又靚!!!

佢好到喺夜晚休息時間, 主動幫我所有姊妹、家姐補妝 ( 我package 只包化我一個)
勁好人, 後悔唔記得同佢影合照, 好在喺Iris 婚禮都同倒佢合照呢!!!

褂造型我覺得個hairdo 幾cute , Rainbow幫我用泰國胡蘭整得好靚, 唔會太誇張!!!
我個姊妹認為呢個最啱我!!!

ceremony hairdo 最值得一讚朵蝴蝶蘭頭花, 同老公既襟花加我既花球超襯!!!!

迎賓Look ok like, 因條裙都係影得我似大肚, 如果唔係顏色同個頭其實好好!!!

最令我最愛的造型就係晚宴march in , 個hairdo 係最襯我, 可惜時間太短敕!!!

跟住係all back 頭, 原來我唔襯囉, 但全晚最耐, 因送客都係呢個頭, 只係換頭飾冇轉過!!!!

( 都係果句, 每個人的情況唔同, 唔可以相提並論呀!!!)

Vendor Review --- The Miracle Flower

我地既花球、頭花、襟花同花車車頭及門花都係from  The Miracle Flower 以勒花園
本來我想整全蝴蝶蘭法式花球, 但阿Yen 講呢種花球唔襟捱, 所以佢建議我用返球狀形會好D
big day 前一日, 上到去一見到個花球其實唔多like , 因為太淺色,
之後我要求加返多D 深色, 佢都可以即時再加,
但仍然係比我想像中淺色, 不過佢話咁樣蝴蝶蘭既對比色先大,  
好在佢個花球夠晒大 , 效果都唔錯!!!

yen 仲俾咗好多好多頭花俾我, 睇下幾多!!!!! ( 要加一句: 因人而已, 唔係絶對呀!)
老公襟花方面, 其實我一早就同佢講我要蝴蝶蘭, 但佢竟然一個都冇整俾我囉!
攪到我唔太開心, 好在佢都即時整返一個俾我 !!! 連埋佢之前整多咗一個襟花俾我, 即總共我有4 個襟花啊 !!! (都係果句: 因人而已)

因為我冇要到佢既姊妹襟花, 換咗要絲花花車頭, 我既花車花好大個呀!!! 大到行車時差D 跌出黎, 要行慢線同埋停車落去再貼多次, 好驚險!!!!!!

我的頭花、襟花、花球同埋俾多我既花用黎佈置, 襯到絕!!!!!!

花球去到夜晚都仲好靚好襟!!!!!!

總括而言: The Miracle Flower 雖冇想像中驚喜, 又冇聽清楚我要求!!!
但最後都有求必應, 而且D 花好襟!!!!

LC 開倉---女人係癲架!!

自從喺LC shop 買咗一個16cm  同square grill pan 後, 我同老公都覺得好好用..
個staff 建議我地買16cm 到遲D 買26cm 就可以將佢地放埋一齊燉
就係咁, 我中毒鳥~~~~~

LC 開倉, 諗住未學有所成唔買野住,
點知竟然係我老公出口要去睇下,
於是佢放假下午就去咗做C9 , 同D 女人爭.....
我一路返工一路whatsapp我現場報告,
但當時已冇咩靚野! 我放工出到去更加可以係5分鐘出返黎!!!
第一次去只買倒 Lime green rectangular dish , two heart ramekin,

買上癮既我, 於最後一日一早去排隊,
但我懶10:45am 先去到, 已排到第三行,
要成11:30 先入到去,
但已冇煲買,
好在停喺一邊, 附近有兩個女仔諗緊要唔要晒D soup bowl
咁我就一路喺到等, 好在佢都讓咗 幾個Lavender and antique rose soup bowl 俾我
真係後悔唔到多幾個, 原來antique rose 好多人都想要又搵唔到,

不過唔緊要, 我已計劃定9月開倉再戰過!!!!!!

 

全部既收藏品, 但覺得lime green rectngular dish  好唔襯, 好想唔要!!!

同場仲咗幫好友買咗個round grill , 但已得返黑色咋!!!

DIY my Wedding Invitation Card

2011年9月18日。
第一次請富士康員工上黎幫手, 我既請帖頗為複雜, 呢日開工主要做既係 :
1. 先要摺4 條線
2. 要用雙面膠紙貼好 folder ,
3. Save The Date 要蓋 「扮郵chop 印」
4. 入晒所有野

特登造個郵chop 蓋 save the date, 就係為咗有寄 名信片既效果
依家, 我覺得個chop 只用一次好浪費金錢, 因為我張帖已經唔平,
點解唔一開始設計個photoshop 檔就將個chop 直接放入個去呢?
真係傻仔之作!!!

待乾中的save the date

大家都撕雙面膠紙撕到手軟, 呢part超浪費時間,  因為D 雙面膠紙又幼又難撕, 仲有時撕撕下會撕唔倒,
之後我發現原來係D 雙面膠紙有問題, 早知一早買果D 新冇咁嬲!

佢地走咗我都仲要繼續做做做, 呢個item 基本上同回禮禮物一樣花時間!!!!

係咁chop 印, 真係以為自己喺郵局做

DIY my Wedding Favor

呢個items完全係玩死自己既大攪作, 之前已有人勸我唔好送布丁玻璃樽糖果, 一來運送好重, 二來做死自己!
但我就係對呢種布丁樽情有獨中, 同埋我深信用心製作一份禮物俾每位來賓, 一定會好開心!

就係咁, 我堅持喺淘寶買, 然後經物流公司運咗400 個黎 !!!
但運到黎有好多都難咗, 大陸人始終唔信得過, 明明講好要每個樽包紙,
好在之前叫佢運多10幾個, D 樽真係好啱啱好呀!!!

跟住洗樽,  老公堅持要煲水沖樽, 所以全部都經過高溫處理架!

9 月, 富士康員工過黎幫手開工, 兩位男士負責洗樽抺樽, 其餘我同另外兩個女員工就整請帖

11月5日。因為怕D糖唔可放得耐, 所以要結婚前一段時間先可以將糖入樽,
1. 之前就貼定logo 貼紙
2. 將D糖晒走等佢無咁多沙糖, 因為買咗果隻糖原來好多粗沙糖
3. 入樽
4. 貼好絲帶, 同埋Thank You  tag (事前仲要逐張圓形印thank you )

係咪好救命浪費時間之作呢?????? 我諗呢到整咗我地起碼兩日全日 !!!!

最後既製作品, 係我既theme colour 紫紅同銀色 (D 絲帶仲要係喺飛龍行買最貴果隻靚野)
心形糖果 係好辛苦搵到黃竹坑既批發商到買返黎
呢part野真係勁浪漫人力物力......希望我既賓客真係鐘意同留起個樽啦!!!!

運送物資果日仲精彩!!! 總共有五箱回禮禮物!!!! 諗起都覺得自己超人!!!

大日子心情 --- 接新娘及敬茶篇

過咗一個好倉猝既影女家過程後, 就拿拿琳同媽咪老豆哩埋喺房等佢地玩新郎!

我一路喺門後偷聽, 覺得好好笑!

雖然時間好緊逼, 好彩都玩得晒三個遊戲!



本身傾好既遊戲有:

1. Yoga 動作 ( 因為有材料, 懶得整, 所以都係玩呢D 啦)

2. 我的字典裡沒有放棄 ( 呢個我勁想玩佢, 因為我知佢覺得首歌好難頂)

3. 喜怒Sweet
樂 ( 全因當時興變身男女chok chok chok , 我就諗到呢個遊戲,
當然唔好要「苦」呢個字, 改sweet 啦)

喺門後聽到佢地話玩喜怒sweet樂先幾驚佢地唔玩「我的字典裡沒有放棄」呀! 好彩原來佢地想將好戲壓在後頭!

不過我聽在場人士講, 老公佢好自動波, 有好多野都冇叫佢做佢玩得好投入!

出黎前一刻攝影師要成班兄弟都要咁樣做, 攪到我勁唔好意思囉!

又唔知點解佢要跪喺度, 我心諗 :「好老土呀! 唔該你快D 起身啦」

到咗敬茶俾由細照顧住我大既嫲嫲, 呢刻真係好感動, 因我嫲嫲喊晒

又因男家習俗要敬埋俾過身既親人, 所以要敬埋俾爺爺, 嫲嫲一叫我爺爺飲茶, 我都想喊埋一份!

到最後敬埋俾家姐, 又係一個感動位,
雖然我同我家姐唔係話好好感情, 成日互串, 但我敬茶俾佢一刻佢同我講 :「唔好再刁蠻任性」
我就忍唔住喊出黎.......好在都最後......我抺得切眼淚.....唔係個妝就麻煩 !

大日子心情 --- 等待與準備

由於掉動電腦Data 關係, 仲未搵到回到未嫁前既相, 所以寫住大日子心情先!

喺11年11月25日夜晚, 帶住少少緊張既心情 (反而前兩晚仲緊張過今晚) 2:00 訓著咗!
好在, 都算訓得好, 一覺訓到第二朝,
我仲懶咗幾分鐘床, 當時天又未光, 屋企人冇個起身, 一個電話都冇, 就諗住hea 下啦,

喺我啱啱洗完面果陣, 6:25am 幫我化姊妹妝既Sam Sam 就已經黎到我屋企,
當時我真係諗: 「咁準時架, 可唔可以遲到呀!  kakakak....」
佢黎到就提醒我...唔可以再hea 啊! 呢個時候我媽先起身招呼住佢地, 又即時搵地方化姊妹,
冇耐,6:30am 我化妝師Rainbow 都黎埋, 拿拿琳為我塗Nars 急救jel同化妝,

當時幾憺心班姊妹遲到, 好在第一個住對面既姊妹好準時咁就可以化先,
陸陸逐逐有人上黎, 都唔知邊個打邊個, 因為Rainbow唔俾我郁黎郁去同講野咁制!

聽住出面好熱鬧, 好想知佢地攪成點, 話咁快已經 9點幾, 但Rainbow都仲未化完妝,
即時由我間房轉場地入阿媽間房既廁所Set 埋頭, 真係好緊張, 因已超晒時, 都未攪掂, 我想出去影多D 相囉!
依家好後悔唔再約Rainbow 早多半個鐘黎化妝, 當日成個流程就係因為朝早遲咗而成個rundown 都遲晒!

大約9:30 am左右我終於出得去影相, 有放監既感覺  
一出去就派利是俾姊妹, 見住陪伴我長大既姊妹們, 再加埋個擁抱, 原來係有感動既感覺, 死啦, 咁快就想喊, 死忍! (相後補)

到咗指定動作, 媽咪幫我拉拉鍊, 以前睇人地D 相同same-day-edit 會覺得呢動作好假好刻意,
但原來到媽咪幫我拉一刻, 真係好感動好想喊架, 覺得終於出嫁既感覺!

總括黎講, 我覺得早上既感覺係最強烈同最深刻, 其他時間好似唔知自己做乜咁, hahahaa