Honeymoon @ Finland - Helsinki

懶到死既我，終於都要寫返芬蘭之旅既野
其實去完芬蘭順利睇到北極光，
已經有好多朋友問我攞資料，
但我衰到半年後先追得返D Blog!


其實今次去honeymoon又想去英國探朋友同去曼聯，
又想完成睇北極光既心願！
好在我坐英航目的地去芬蘭，中途可停英國，
咁我就可以一舉兩得！仲可以慳返好多錢呀！

喺英國與好友哭別後，坐咗好似3個鐘飛機到Helsinki，
去到都只係4點左右但天已黑晒，條街又冇咩人，
要等夜晚10點左右坐北極列車向北行，
期間都唔知去邊好！因為Helsinki 真係冇咩野遊好無聊！

喺火車站附近行發現有個戶外溜冰場，
見到有Ｄ冰雪既野，
我地即時好興奮，因為冇諗過呢到溫度有零下！

跟住我地行咗一陣，條街真係冇乜人，好似死城咁！
連平時好多人出名既景點教堂都冇晒人

Hea 咗好耐都未Hea到坐火車時間，呢個city 又冇咩行，
我地唯有喺度影無聊相啦，
不過喺咁靜環境下同老公傾下計，
傾下好多未拍拖同有次差Ｄ分手既野，
真係好開心架！

返到火車站，去火車站Locker攞返行李後，
好快就有得上火車敕！

上到火車我地超興奮，因為架火車咩都有，
私人刷牙位啦，水啦，好舒服既床啦，
沖涼房啦！
連Wifi 都有呀，興奮到即時upload呢張相!

呢晚喺架火車好好訓呀!
訓足７個鐘左右就會走進另一角度，
當時心情好緊張，會唔會凍死呢？haha....
但我仍然訓得好安樂

Honeymoon at London III

我認為去London一定要去薀莎堡，
住喺英國既好友亦非常愛黎呢到，
由佢屋企出發都要坐大成個鐘頭到！
不幸到著落雨，
但卻為這裡帶來一點優雅氣息

喺呢到有美好回憶，因為除咗好友外，
好友的好友也來了（我都識既）
我地５個人好熱鬧呀！
入到間專買朱古力既shop，大家都不其然買野俾大家做聖誕禮物呢！
so SweeT

之後好友介紹我地喺呢間皇室人員專用既shop
買Lotion、香體露、soap
遇啱減價，超抵呀！買黎做手信一流！！

之後我地drive到附近一間好出名既餐廳食正宗英國菜
味道好味，價錢仲估唔到咁平呀!
住英國既好友超讚！

Honeymoon at London II

London 酒店比較貴，大多要成千幾元，
加上婚禮事情令我忙到冇時間搵酒店，
所以靠好友幫我搵到一間喺Notting Hill 區既酒店Uni，
雖然唔係靚又細，個廁所沖涼地方仲幾塞
但$700左右要住幾晚都唔錯敕!

我地一早就去咗最出名既St Paul Church，
英女皇都喺呢到出嫁啊！

呢個Church唔俾人影相架，所以只偷影咗好少！
一定要上到教堂頂，因為個view真係好靚，
雖然行樓梯行到要死

食完個好長既飯後，話咁快就黃昏
我地咗London Eyes，呢到睇黃昏超美！

成個London Eyes 海皮都係X'mas Market好有氣氛架!
到London Eyes同好友&老公影post post post 真係好開心!
我大愛呢張相!

Honeymoon at London I

返到London join返好友，一齊唱遊London City
好友好想去 Believe it or Not !
值得一去!!!! 尤其當你同朋友去一齊玩好開心架!!!

入去買門票記得攞本旅遊單張，traveller係有買二送一既優惠架!!!

呢個迷宮一定要玩!!!
因為入面全部係玻璃，入到去分唔到邊個先係真身邊個係鏡中人

跟住要一齊行下呢條轉到頭暈既隧道！
其實係入面既轉轉視覺效果，但我都腳震震企唔穩要附住行

諗住走，點知出口前有得玩Mission  Impossible
好好玩呀！喺出面睇住朋友玩，亦好玩，笑死！

回家前去COVENT GARDEN，
呢到有少少野行但因太夜！
如果X'mas黎會更正呀! 好有聖誕氣氛
我地仲咁啱撞到Coca Cola 玩飄雪同埋派免費汽水呀!!!

Honeymoon at Manchester II

去完Harry Porter 圖書館就坐車去老公期待以久
Manchester 球場....潮聖

先去市中心坐類似輕鐵既車到Old Trafford 站,
再一路向前行20mins 就會到球場

去到球場門口，老公真係興奮到死
我地輪流喺門口跳一跳以表興奮

由於我地一早喺網上訂咗入場門票，但都要排隊等一陣先可以攞票入去
先去博物館，一入到去就見到球王，老公話佢影響曼聯深遠喎！

因為未夠鐘去local tour參觀球場，我地就去咗入面既Cafe ，
但冇野咩食架！我地只買咗汽水飲咋！
但間Cafe都幾靚，好多Manchester Logo

到咗local tour 時間，先去觀眾席聽個導遊介紹，
因為全英文唔太聽得明，我地全程自誤影影影
當然要爭取時間狂影啦，因為個團都行得幾快架！

老公超期待坐既位，佢幻想阿邊個邊個球星坐過架！
超興奮呀佢

睇完大約個半鐘既tour，就到專門店行街
老公非常忍手冇乜點買野！
但我地就忍唔住買定口水肩.....hahaa....話留俾第日既BB呀!

出返去市中心，見仲有時間行下Christmas Market
入夜既Market氣氛真係好正

好多人喺度飲野hea,,,,,但當時係平日4點左右，
都唔明佢地點解可以咁得閒，我覺得佢地係當地人黎架!
白痴的我，影咗張扮同佢地傾計既相