問題天天都多

好想好想搵個地方宣洩下, 容許我喺呢度 好mean 好小氣啦!!!

好想問....係咪個個姑仔都咁麻煩架呢????

由於有次去男友表哥婚禮, 見到姑仔著Deep V 加濃妝, 搶咗新娘不少風頭事件後, 我一直都擔心我結婚當日佢會更過火。

上個星期, 未來姑仔問我包唔包佢化妝...佢自己本身係識化妝既人...平時出街佢會化濃妝, 著高跟鞋。講真因為婚禮用咗好多錢...而且好多人都唔包埋姑仔、家姐、弟婦化妝, 所以我一心唔預幫佢地化埋。 但佢堅持話 :「人地化開新娘妝既MUA 既底妝keep 得last D」 .......OK 唔緊要...你要我咪幫你搵埋囉 !!!! 但我都係暗地搵俾佢, 唔可以俾家姐同我弟婦 知道廢事話唔公平啦!!!

過咗幾日....阿姑仔陪我、男友、媽咪同未奶去Beauty Hera 試 媽媽EG 同男禮,,,

我地可租4件, 大家都知Beauty Hera 本身係租新娘衫, 但我諗住俾媽咪同未奶好D所以租貴咗, 圍起一件都要千幾元。本身打算媽咪、未奶各兩件。試下試下....我阿媽只睇中一件.....剩一件諗住租男禮啦。一路試既時候, 我未奶都有問我姑仔喺唔喺度租埋?? 我已經講咗兩次 : 「佢唔使係度租啦, 呢到貴,,,出邊都買到啦! 」

但我姑仔仍然揀咗 3 件去試 ! 其中一件係新娘EG, 但其實似WG 既因為係白色雪紡..... Deep V 大露背....著咗好有女神feel ...我自己都鐘意。

佢....竟然喺得返 15分鐘試衫(因人地close 9pm...當時已經8:45仲未試男禮) 同埋我地睇緊男禮時走咗入去試EG ....仲要我地揀緊野時要我地影相!!!!

之後.....就算我唔鐘意D 男禮....都焗住hold 咗先... 因為我姑仔話想hold 佢果件 EG!!

事情變得更利害更誇張, 前日同男友、姑仔同未奶飲茶,

佢同我地講: 「我已經喺你地結婚當日擺咗假, 之前同之後都攞咗, 你地結婚之前攞咗3 日, 你地之後又擺咗1 日 !!!!」

睇到嗎????  係前前後後攞咗 5日大假.....見到佢幾重視哥哥既婚禮嗎?????

我心諗....我自己...都冇諗過攞咁多日喎.....究竟邊個先係主角呢???