扮靚養生的開始

扮靚生活開始啦~~~~~~

為咗搞返好自己個殘樣好待 BIG DAY & 影Pre-Wedding 好好睇睇.....加上最主要係保養好自己...2年後要做媽媽. (唔好誤會,依家未有ga hehe....)

所以!!! 以下係我既保養大計!!!!

1.)每日一匙燕窩.

    (真人過料...pregnant時候食更好...個BB都會又白又滑)

    Tips : 去萬零買滿$388有$50 coupon送 , 可以買多幾樣呀!!!

2.) 蛋白孵面

   ( 真人過料....有個朋友成日咁孵...唔會出去做facial ..皮膚白滑)

    又可以慳返D 錢呀！大家都知啦....結婚真係用好多錢ga ma

    我都試過真係唔錯。10 mins 已經緊晒塊面。

 

3.) 做運動-跳舞

　為既係有健康身體....其次先係收肚腩 !!

　黎緊會跟個朋友去沙田學，好平咋，除起都係＄５０一堂一個鐘

　Ｉ　ｌｏｖｅ　Ｄａｎｃｉｎｇ！！！

 

4.) Keep 住做 Facial

     無論在家、出面都要keep 住先得,,唔可以懶呀!!!!

 

5.) 11:30pm 要訓覺

   希望呢PART 做到啦...真係好緊要呀...因為遲訓個樣真係殘D...

  平時訓覺時間係 12:30pm

   但係最難做到的。因為我又要睇電視，又要睇ＦＢ，又要睇 Wedding 野。

 

6.) 睇中醫調理好身子

     -___- 遲遲都未開始....因為都真係要用幾多銀娘. 同恆心....遲下先啦!!!