honeymoon

Honeymoon @ Finland - Igloo Village

綠光之旅第三日
一早，我地就起身食早餐準備參加10 點既Reindeer Safari
一早已聚集好多人喺reception等玩唔同既野
輪到我地就上咗架車仔載我地去Reindeer 場大約要坐半個鐘頭車
原來同行都仲有6個左右團友，因為報名時只得我倆！


早上有陽光睇風景都清楚好多，好靚呀！
領隊先叫我地入佢間屋仔換上佢既衫保暖
果Ｄ衫好有芬蘭式好靚架！

跟住我地就坐上Reindeer到，一人一隻！
佢地全部都好乖，但好怕羞架，你一行埋去佢地就避一避你
好得意呢！
其實坐reindeer 唔會太快既，所以一路行可以慢慢欣賞超美既風景
但另一方面我又覺得鹿仔好可憐
要帶住我地咁重，所以參加２個鐘已經好夠！
唔明點解會有４個鐘果隻，Ｄ鹿咪攰死！？

玩完之後，領隊就帶我地入去呢度取暖食即煮薄餅，飲咖啡 ～
好鬼warm！
領隊仲即直表演唱當地山民歌，抵晒！

玩完返番village 附近
好慶幸我地只玩 2hrs Reindeer，
因為返到黎village 附近都仲係日照時間，可以去附近影相！

唔知係咪北極既天空，天色真係唔同平時見到既，
所有影出黎既相都好靚，完全冇執過都似photoshop 咗咁!
不過日照時間過得太快，影到1,2個鐘已開始黃昏

好在我地揀咗 2 hrs Reindeer ，如果唔係又點睇到village 附近既靚靚景色呢!!!
我地又精明咗敕！！！
（另一件非常精明既事下篇blog 北極光再講)

行咗1個鐘左右已經好凍，見到呢座玻璃塔就入去，
原來入面好溫暖，凍既時候可入去保一保暖先，
我地已計劃今晚等極光時頂唔順去暖一暖！

日照下去欣賞glass igloo 睇得特別清，
老公想將我好似「家明」咁喺雪山上刹死後食

連Lunch 都未食就係咁影，肚住餓諗住返去煮野食，
但見到咁正既天同地就忍唔住喺門前玩
「自制滑雪」



好在有帶我地至愛黑色公仔麵，
喺呢度一路食一路傾計感覺好溫馨啊

爭取時間喺小屋附近影相都好靚架！
影完焗個桑拿又訓個安覺等食晩飯，
真係好爽架！

Honeymoon @ Finland - Rovaniemi to Igloo Village

走到芬蘭的世界第二日
坐咗大約11個鐘火車，一訓醒就見到一片白茫茫，
我同老公好慳，喺餐車食返D上火車前喺Supermarket買既早餐，
因為餐車上的食物頗貴呀！
落車前一刻的確好緊張。。。
著咗一件 Heat-tech,  兩件Fleece, 再加一件羽絨
驚死凍死!


終於都到咗北極的角度！
落車果刻俾想像中無咁凍喎！
跟住就去下面呢個超mini 既火車站攞車票坐巴士到更北既地方
Igloo Village

要坐大約4個鐘先可以到 igloo village架！
坐坐下開始落雪呀! 坐到中途站落車感受落雪！

一路向北
睇住巴士上的溫度計一路跌
到 igloo village 時已經係 -20 C

 

一路坐車我都眼訓到癲，
完全冇理出面既風景，
因為都只係白茫茫的樹同白茫茫的樹.......
到咗Igloo Village 門口敕！
呢個reception 好緊要，你食野、報名玩、集合、行行下取暖都係呢到呀！

攞咗房匙之後，我地就擺埋行李返去敕，
門口可隨意攞雪車用裝行李，
因為行李喺雪上係好難行，
同埋我地會有呢架雪車當拖行車咁出入、同玩
我成日好似坐輪椅咁要老公載我

之後我地返reception 好心急報名玩野，
本身好想玩Snowmoblie 因為覺得坐 Snowmoblie 睇到北極光既機會會大D，
但因為太貴啊！我諗住博一博睇下今晚Village 附近睇唔睇到先決定聽晚參唔參加，
好在冇參加咋（後話點解）
之後我地揀咗最平而又最有興趣一隻　「２ hours Reindeer 」
之後我地發覺自己選擇完全冇錯架 (又後話點解)

之後我地就喺 Village食第一晚晚餐，
點知呢餐好難食囉！又貴喎！
勸大家喺 Helsinki 時就要買定D野煮野食呀!

食完飯就出咗去行下，搵我想見既Glass Igloo，
參觀完後，我興幸自己冇租呢種屋，
因為離reception遠，同埋真係超細！
佢賣點係可以喺自己間房望上天空睇北極光，
但我覺得係無可能囉！
因為週圍好多高樹！

好啦! 請參觀下我地間房！
我地住Cabin 9 ，離Reception只係5分鐘左右路程，但足以凍死我地
我地間小屋仲要行一條斜路，玩雪車一流呀！

間小屋雖然冇電視好零靜，但我地可以坐喺木台前傾傾計，
我同老公好少咗樣長時間坐下休休閒傾計呢！
所以感覺好深刻！
呢個廳我愛　死啊～～～～～

屋門外有個雷咁大既溫度計，當時氣溫。。。。
有幾凍可想而知啦！

有人嘗試消柴起火但唔成功！


大約 8點半我地就出去搵北極光，
但我地企咗成２個鐘都無收穫～
凍死我呀！
等既時候同一對馬來西亞既夫婦傾北極光係點，
佢地話以前都睇過，
北極光好似雲同煙咁，
肉眼唔太明顯睇到係影相咁綠，
所以有時都要靠部相機話俾我地知究竟係咪！
影咗好幾張，都只見眼前的是白雲一片，
有點失望！

帶點失望回去，好在老公今次起到火，
令我地都喺溫暖中得到一點安慰！

Honeymoon @ Finland - Helsinki

懶到死既我，終於都要寫返芬蘭之旅既野
其實去完芬蘭順利睇到北極光，
已經有好多朋友問我攞資料，
但我衰到半年後先追得返D Blog!


其實今次去honeymoon又想去英國探朋友同去曼聯，
又想完成睇北極光既心願！
好在我坐英航目的地去芬蘭，中途可停英國，
咁我就可以一舉兩得！仲可以慳返好多錢呀！

喺英國與好友哭別後，坐咗好似3個鐘飛機到Helsinki，
去到都只係4點左右但天已黑晒，條街又冇咩人，
要等夜晚10點左右坐北極列車向北行，
期間都唔知去邊好！因為Helsinki 真係冇咩野遊好無聊！

喺火車站附近行發現有個戶外溜冰場，
見到有Ｄ冰雪既野，
我地即時好興奮，因為冇諗過呢到溫度有零下！

跟住我地行咗一陣，條街真係冇乜人，好似死城咁！
連平時好多人出名既景點教堂都冇晒人

Hea 咗好耐都未Hea到坐火車時間，呢個city 又冇咩行，
我地唯有喺度影無聊相啦，
不過喺咁靜環境下同老公傾下計，
傾下好多未拍拖同有次差Ｄ分手既野，
真係好開心架！

返到火車站，去火車站Locker攞返行李後，
好快就有得上火車敕！

上到火車我地超興奮，因為架火車咩都有，
私人刷牙位啦，水啦，好舒服既床啦，
沖涼房啦！
連Wifi 都有呀，興奮到即時upload呢張相!

呢晚喺架火車好好訓呀!
訓足７個鐘左右就會走進另一角度，
當時心情好緊張，會唔會凍死呢？haha....
但我仍然訓得好安樂